曾經係🇭🇰香港代表隊、曾經香港冠軍、曾經東亞運金牌、曾經有型靚仔，而家係一個全職壁球教練加湊女老竇。
分享小小我自己心得，除左敎波之外，我而家主要嘅角色係做一個爸爸，我有3個女兒，分別係6、4、2歲。當我去教女兒和學生乜嘢係「勝利」嘅時候，譬如佢跑步或者打比賽，我口講話想佢贏，但其實自己心裏面其實唔駛佢去贏，但係希望敎識佢去勇敢爭取，俾佢見到目標、帶佢上條賽道。佢跑贏跑輸唔係重點，而係無論結果如何，都可以從中享受所有。本新書我分享左一句自己嘅心得：Defeats are not the end, only a part of the journey. 可能大家都會經常面對挫敗，但係要提醒自己，失敗和輸真係唔重要，因為失敗係為左豐富人生經驗，令到自己人生旅程，一生的道路更多色彩。勝負往往都係緊緊相隨，所以我左腳係勝利之道，右腳係敗者之路，咁先行得過癮。永遠唔唔好將腳步停低，當你企係勝利成功嘅時候，要勇敢踏出安全圈、新領域去迎接挑戰同失敗。而當你挫敗之後再勇敢走向前，又會次勝利成功，周而復始。最後回頭一望，就會發現原來一步步咁走，係可以走到好遠好遠。
最後，希望所有將會去睇本新書嘅朋友，都可以踏上一條康莊大道，將來同我地一班「勝者」去分享你嘅勝利之道。
#thechampionsmindset
#hongkongathlete
#booklaunch
The Champions Mindset
Dick Lau壁球教室
Search